Psa 135 | ZomZIV | STEP | TOPA phat un. TOPA min phat un; No TOPA ’ nasemte

Psalms 135

1 TOPA phat un. ^{▼▼ 1 Hebrew in Hallelu Yah tg.3 le 21 ah zong}
TOPA min phat un;
No TOPA’ nasemte ^b
2 no TOPA inn sunga nasemte,
i Pasian inn huanga nasemte aw, amah phat un. ^c
3 TOPA hoih ahi manin TOPA phat un; ^d
nuam ahi manin a min phatna la sa un. ^e
4 Ahang in TOPA in ama adingin Jacob teel khin a,
ama neihsa a goupi dingin Israel a teel khin hi. ^f
5 TOPA a liat lam ka thei-a, ^g
pasiante khempeuh sangin i Topa lianzaw hi. ^h
6 TOPA in vante sung le leitung ah, ⁱ
tuipite le a thukna munte khempeuh ah
ama utut a bawl hi. ^j
7 Amah in leimongte pan meiite kahtosakin
khuaphia le guah sawla, ^k
a kholna panin huih a puakkhia hi.
8 Amah in Egypt-a ta masa, ^l
mihing ganhing ta masate, sattuk hi.
9 Egypt aw, ama’n nang sung, Pharaoh le a nasemte khempeuh langah ^m
limte le nalamdangte a sawl hi. ⁿ
10 Amah in minamte tampi sattukin
kumpi thahatte a that hi -
11 Amor-te kumpipa Sihon,
Bashah kumpipa Og le ^o
Canaan kumpite khempeuh that a - ^p
12 a gam uh goutanh ding, ^q
a mi Israel-te goutanh dingin pia hi.
13 TOPA aw, na min kip tawntung a, ^r
TOPA aw, khang sawnsawnte dongin a thang kikkik ding hi.
14 Ahang in, TOPA in a mite tungah thu khenin ^s
a nasemte a khuatuah ding hi. ^t
15 Minamte’ milimte pen ngun le kham hi-a, ^u
mihing khuta kibawl ahi hi.
16 Tua in kam nei napi pau thei lo a, ^v
mit nei napi khua a mu thei kei hi;
17 tuate in bil nei napi khua za thei lo uh a,
a kamun huu a sang tuan kei uh hi. ^w
18 Tuate a bawlte tuate tawh kibang dinga,
tuate a muangte khempeuh zong tuate tawh kibang ding uh hi.
19 Israel innkuante aw, TOPA phat un; ^x
Aaron innnkuante aw TOPA phat un;
20 Levi innkuante aw, TOPA phat un;
no amah a kihtate aw, TOPA phat un.
21 Zion panin Jerusalem-a a teng ^y
TOPA kiphat ta hen. ^z
TOPA phat un.